Velopark - Azərbaycanın açıq səma altında yerləşən ən böyük idman qurğularından biri.
Artıq 3 ildir ki, bura nəinki azərbaycanlı, eyni zamanda dünyanın velosiped həvəskarlarının ən çox diqqət yetirdiyi məkana çevrilib. Çünki velosiped idmanının BMX növü üzrə 2018-ci il dünya çempionatının keçiriləcəyi Trek məhz Veloparkda yerləşir.
Burada ilk ağaclar ötən əsrin 70-ci illərinin əvvəllərində Azərbaycan xalqının Ümummilli Lideri Heydər Əliyevin şəxsi təşəbbüsü ilə əkilib.
Azərbaycan Velosiped İdmanı Federasiyası Ulu Öndərin Veloparkda ağacəkmə kampaniyasında iştirakını göstərən unikal lent yazısını əldə edib.
Qeyd edək ki, Veloparkda iki yerdə Ulu Öndər Heydər Əliyevin öz əlləri ilə əkdiyi Eldar şamları və zeytun ağaclarının yanında qoyulmuş xatirə lövhələri də bunu təsdiq edir.
