Fikrət Akif oğlu Hüseynov 1969-cu il noyabrın 11-də Bakı şəhərində anadan olub. 1986-1991-ci illərdə Azərbaycan Dövlət Bədən Tərbiyəsi və İdman Akademiyasında “Bədən tərbiyəsi və idman” fakültəsinin “Futbol üzrə məşqçi-müəllim” ixtisası üzrə təhsil alıb.

Əmək fəaliyyəti dövründə bu vəzifələrdə çalışıb:

1992-1996-cı illərdə Bakı Metropolitenində İdman şöbəsinin rəhbəri;

1996-2006-cı illərdə “Neftçi veteranları” klubunda menecer;

2006-2024-cü illərdə Azərbaycan Respublikası Gənclər və İdman Nazirliyində Olimpiya və Paralimpiya idman növləri üzrə sektor müdiri;

2006-2015-ci illərdə “AZAL” Futbol Klubunda birinci vitse-prezident;

2008-2015-ci illərdə Avropa Klublar Assosiasiyasının üzvü kimi FİFA və UEFA-nın müxtəlif tədbirlərində iştirak;

2015-2020-ci illərdə “AZAL” Futbol Klubunda prezident;

2015-2016-cı illərdə AFFA Klublar Komitəsinin sədri;

2021-ci ildən bu günədək “Silk Way Group” Müşahidə Şurası sədrinin idman məsələləri üzrə müşaviri;

08 aprel 2024-cü il tarixindən bu günədək Azərbaycan Respublikası Gənclər və İdman Nazirliyinin tabeliyində olan “Heydər Əliyev adına İdman-Konsert Kompleksi” MMC-də direktor.

02 may 2025-ci ildə Azərbaycan Velosiped İdmanı Federasiyasının icraçı vitse-prezidenti seçilib.

Azərbaycan Respublikasının Prezidenti İlham Əliyevin 24 iyul 2019-cu il tarixli 1344 nömrəli Sərəncamı ilə “Dövlət Qulluğunda fərqlənməyə görə” medalı ilə təltif edilib. Azərbaycan Respublikasının Fəxri Bədən Tərbiyəsi və İdman İşçisi, İdman Ustasıdır.

Ailəlidir, 2 övladı var.