“Ümumdünya sağlamlıq günü” münasibətilə Quba gənclərinin iştirakı ilə veloyürüş təşkil olunub.
Sağlam həyat tərzinin təşviqi və gənclərin fiziki aktivliyə cəlb olunması məqsədilə keçirilən bu yürüş iştirakçılar üçün həm faydalı, həm də əyləncəli anlarla yadda qalıb.
Tədbir Gənclərin İnkişaf və Karyera Mərkəzinin Quba-Xaçmaz regional nümayəndəliyi və Quba-Xaçmaz Regional İdman İdarəsinin birgə təşkilatçılığı, Azərbaycan Velosiped İdmanı Federasiyasının şimal bölgəsi üzrə nümayəndəliyinin tərəfdaşlığı ilə baş tutub.
